مقال مأثر لناس لي كيعانيو من البطالة دخل و قرا غتأتر

من كتلقا باك هاز داك الكارني دالكريدي وكيشوف كيفاش يسلك الامور تا يدخل شهر ونتا ما قاد تعاونو تا فدرهم .. باش كتحس
من كتشوف ناس مسيفطين ميمتهم لحج ونتا ماقدر تجيبلها تا كادو تفرحها .. باش كتحس😩

من كتشوف دراري قدك خدامين ومزوجين وتا هوما داين وليدتهم يقراو ونتا مزال كتقلب على خدمة .. باش كتحس 😕
من كتمشي كتبقا ترغب فشي مدير شركة وكطيح من قيمتك ومع دالك ما تيخدمكش .. باش كتحس 😕
من تا يوصل صيف وناس كاع غدين مسافرين ونتا كضرب تمرا باش تجمع فلوس طرنسبور لفاك .. باش كتحس 😩
من تادخل لدار وتيشوف فيك باك بديك الابتسامة المليءة بالحزن .. باش كتحس
مسكين عيا تا يضرب تمرا باش من يكبر تكون راجل وتهزو وفتالي كدخل بيدك خاوين 😩
وميمتك كتسنا داك نهار لي تمشي تخطبلك وديلك شي بنت ناس وتجيبلها شي كتكية يفوجو عليها
لدلك اخي فالله كنتما ليك التيسير فاقرب وقت
حيت ليام كطير ايجي واحد نهار اتلقا والديك ودعو الحياة
ونتا ما فرحتيهم تا شي نهار 😩.. كنتمنا ما تجربش هاد الاحساس
لي والديه متوفين اللهم اسكنهم فسيح جناته
والله يرحمهم فهاد نهار

 

شوف صبر وزيد صبر وادا استعنت فإستعن بالله واعلم ان الامة ادا اجتمعت على ان يضروك بشيء ما ضروك الا بما كتب الله لك واعلم ان الامة ادا اجتمعت على ان تنفعك بشيء ما نفعتك الا بما كتب الله لك واعبد الله في الرخاء تجده في الشدة والله ولي التوفيق اليس الله باحكم الحاكمين والله خير الرازقين